Härzlech willkome uf mineri Sytta www.zbison.ch! Was? Komischi Spraach? Aba, tùmms Züüg! Das isch ina va de schööschte Dialäkt, wanes i de Schwiiz git und dem siit mu “Seislerdialäkt”. D Seisa (Sense) isch de Bach, wa einersiits usum Schwarzsee us “warmi Seisa” ù anderersiits usùm Gantrischgebiet us “chauti Seisa” im Zouhuus zwüsche Plaffeie ù Schwarzsee zur Seisa zämeluuft ù nach eppa 35 km ds Lùùpe i d Saana fliesst. Wägedessi hiist ina va de Bezirke im Kanton Fryburg ebe o “Sensebezirk” ù dette chunnt ebe d Seislerdütsch no gredt. Wär me ùber dä Dialäkt wott wüsse, da gfünnt hie wyteri Informatione.

Ja, i wys, Usländer verschtane itz waarschinlech nüt bis gar nüt. Ù ja, o Lüt us anderne Kantön wäre ines liebi Müji ha, das chene z läse. Aber das macht grad gar nüt. Wär sech für mier interessiert, där nümmt sech glych a chli dr Zyt ù schnoùset trotzdem oder grad wägedessi a bitz uf mine Sytte uma!

Ù itz wünscheni vüü Vergnüege!